Almatyda muǵalimder arasynda ekpe egý naýqany qyzý júrip jatyr, dep habarlaidy "Ult aqparat".
Almaty qoǵamdyq densaýlyq saqtaý basqarmasynyń basshysy Nariman Tabynbaev óńirlik kommýnikatsiialar qyzmetinde ótken brifingte infektsiiaǵa qarsy kúreste ekpe salýdan ózge bir de bir tiimdi ádis joq ekenin aitty.
«Qosymsha aitarym, bizdiń tarapymyzdan muǵalimder arasynda ekpe egý naýqany qarqyndy júrip jatyr. Búginde pedagogtar 100% ekpe aldy. Osyndai jumys joǵary oqý oryndarynda da júrgizilýde. Stýdentterdi vaktsinamen qamtý - 28%. Stýdentterdiń kópshiligi syrttan keletinine bailanysty (167 myń stýdenttiń 100 myńnan astamy) immýndaý jumysy nashar júrip jatyr», – dedi Tabynbaev.
1 aqpan men 27 shilde aralyǵynda Almatyda ekpeniń I komponentin 690 711 adam alǵan.
Megapolistegi meditsinalyq uiymdarda, mektep, mádeniet, sport nysandarynda, bazar men qalanyń SOSO-da 212 vaktsina pýnkti jumys isteidi (250-ge deiin ulǵaitý múmkindigimen).
Sońǵy táýlikte qalada koronavirýs infektsiiasyn juqtyrǵan 1 250 naýqas tirkeldi. Sonyń 1 166-sy simptomsyz, 84-i simptomdy.
