21 qańtarda Raiymbek batyr metro beketinde tóbeles shyqqan. Kýágerler bolǵan oqiǵany sýretke túsirip alǵan, - dep habarlaidy Tengrinews.kz tilshisi.
Áleýmettik jelilerde tóbelestiń sýretteri tarady. Oqiǵaǵa qatysqandardyń biri qolyna tapansha ustap, qoqan-loqy jasaǵan. Kýágerdiń aitýynsha, eki jigit úsh oqýshyny esh sebepsiz urǵan.
Almaty Politsiia departamentiniń baspasóz qyzmeti ókili oqiǵa saldarynan 20 jastaǵy jigit zardap shekkenin málimdedi. Ol aýrýhanaǵa túsken.
"Kúdiktiler ustaldy. Olardan qarsylastaryna qaýip tóndirgen tapansha tárkilendi. Ustalǵandardyń aitýynsha, qoldarynda gazdy tapansha bolǵan. Qarýǵa sot saraptamasy taǵaiyndaldy. Tekserý sharalarynyń qorytyndysy boiynsha aiyptalýshylardyń áreketine quqyqtyq baǵa beriledi", - dedi Almaty qalasy PD baspasóz qyzmeti ókili.
