Foto: videodan alynǵan kadr
Almaty qalasynyń politseileri meshitterde urlyq jasap júrgen kúdiktini ustady, dep habarlaidy «Ult aqparat» qalalyq PD baspasóz qyzmetine silteme jasap.
Almaty oblysynyń 24 jastaǵy turǵyny úsh kólikti aidap ketken jáne tórt ret tonaý qylmysyn jasaǵan. Qalanyń kriminaldyq politsiiasynyń málimetinshe, kúdikti meshitterde uialy telefondardy jasyryn túrde alyp júrse, qalanyń tómengi bóliginde bóten adamdardyń kólikterin urlaǵan.
Qaskói Almaty mańyndaǵy kompiýterlik klýbtardyń birinde ustaldy. Ol urlaǵan kólikter tabyldy jáne ielerine qaitaryldy. Sotqa deiingi tergeýdiń osy satysynda kúdiktiniń jeti qylmysqa qatysy bar ekendigi belgili boldy. Sondai-aq kúdiktiniń osyǵan uqsas zańsyz áreketterge qatysy bar-joǵy tekserilip jatyr, – dedi Almaty qalalyq PD kriminaldyq politsiia basqarmasynyń bastyǵy Maqsat Qanapiaev.
QR QK-niń 201 babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna sáikes, kez kelgen azamat sot sheshimi zańdy kúshine engenge deiin kinásiz dep sanalady.
