22 jeltoqsanda Ural Airlines áýe kompaniiasy Ekaterinbýrg pen Almaty arasynda jańa reisti iske qosady, dep habarlaidy "Ult aqparat" QR IIDM Azamattyq aviatsiia qyzmetine silteme jasap.
Reister aptasyna eki ret A320 tipti áýe kemelerinde oryndalady.
«Ekaterinbýrgten juma jáne jeksenbi kúnderi saǵat 22:00-de, Almatydan - dúisenbi men senbi kúnderi jergilikti ýaqyt boiynsha 07:15-te ushatyn bolady. Ushý uzaqtyǵy - 3 saǵat», - delingen habarlamada.
Ural Airlines - iri reseilik áýekompaniialardyń biri. 2018 jyldyń qorytyndysy boiynsha ol 9 millionnan astam jolaýshyny tasymaldaǵan.
