Áigili ánshi Ámire týraly filmniń alǵashqy kórsetilimi Astana men Almaty qalalarynda qashan ótetini belgili boldy, dep habarlaidy "Ult aqparat".
«Qazaqfilm» kinostýdiiasynyń baspasóz qyzmetiniń habarlaýynsha, 2018 jyly 3 sáýirde Almaty qalasynda saǵat 19:00-de «Kinopark 11 (Esentai) IMAX 3D» kinoteatrynda (Ál-Farabi dańǵ., 77/8, Esentai Mall SOO) «Ámire» filminiń tusaýkeseri ótedi.
Al QR Mádeniet jáne sport ministrlginiń baspasóz qyzmeti Astanada atalmysh kinotýyndynyń alǵashqy kórsetilimi 2-sáýir kúni 19:00 saǵatta «Saryarqa» kinoteatrynda bolatynyn habarlady.
Aita ketsek, kinotýyndy qazaqtyń tenor daýysty birtýar ánshici Ámire Qashaýbaevtyń qamshynyń sabyndai qysqa da, jarqyn ǵumyryn baiandaidy. Kórkem filmdi Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» AQ jáne Álidar Ótemuratovtyń «Dar Play» kompaniiasymen birlese túsirgen.
