Almaty mektebinde jaliýzige aqsha jinalǵany týraly muǵalimniń janaiqaiy boiynsha tekserý bastaldy. Bul týraly Óńirlik kommýnikatsiialar qyzmetiniń ókili Áigerim Jumabekova aitty, dep habarlaidy QazAqparat.
Almatynyń Jetisý aýdanynda ornalasqan №143 mektep-litseiiniń orys tili pániniń muǵalimi Lázzat Musanova Facebook-te mektep terezesine jaliýzi satyp alýǵa muǵalimder men ata-analar aqsha jinaǵanyn jazǵan bolatyn. Onyń aitýynsha, ol sońǵy 14 myń teńgesin jaliýzi ornatatyn adamdarǵa berýge májbúr bolǵan.
Muǵalimniń jazbasy kópshilik arasynda qyzý talqyǵa tústi.
Sonymen qatar, pedagog QR Sybailas jemqorlyqqa qarsy is-qimyl agenttiginiń tóraǵasy Alik Shpekbaevtan bul máselege aralasýyn ótindi.
Bul narazylyqtan soń №143 mektepke qalalyq Bilim berý basqarmasynyń basshysy Gúlnár Qojabergenova bastaǵan arnaiy komissiia shyqqan.
«Qazir mektepte tekserý júrip jatyr. Qosymsha aqparat keiin habarlanady», - dedi Óńirlik kommýnikatsiialar qyzmetinen.
Keiinirek L. Musanova bilim ordasynyń direktory Gúlsara Baiedilova onyń 14 myń teńgesin qaitarǵanyn jáne oqýshylar aqshanyń jinalǵanyn rastap bergenin jazdy.
