Jańa Respýblika alańynda «Almaty marafonyn» uiymdastyrýshylar jarys jeńimpazdaryn marapattady, dep habarlaidy QazAqparat tilshisi.
Eń basty jáne eń uzaq 42 shaqyrym 195 metr qashyqtyqta erler arasynda Islam Amanǵos 1 oryndy jeńip aldy. Sáikesinshe, ekinshi oryndy - Erlan Janasanov, 3 oryndy - Rýslan Oglov ielendi.
Qyzdar arasynda 42 shaqyrym 195 metr qashyqtyqta Janna Momyrjanova top jardy. Márege ekinshi bolyp - Aiman Radova, úshinshi bolyp - Nargiza Lebedeva jetti.
Sondai-aq, sahnada 10 shaqyrym qashyqtyqta júgirgen marafonshylarǵa da júldeler tabystaldy. 15-17 jas aralyǵyndaǵy qyzdar arasynda 1 oryndy - Mádina Kerimova, 2 oryndy - Ekaterina Ivanova jáne 3 oryndy - Ámina Orazbai jeńip aldy.
15-17 jas aralyǵyndaǵy uldar arasynda 1 oryndy - Amanǵos Iassaýi, 2 oryndy - Daniiar Ormanǵali ielense, júldeli 3 oryndy - Kolýmbiiadan kelgen qatysýshy Garsio Kastilia Hýan Sebastian jeńip aldy.
18 jáne odan da eresekter sanatynda erler arasynda Aleksei Gýsarev, áielder arasynda - Svetlana Saýnina kósh bastady.
Tolyq qorytyndy men ózge de qashyqtyqtar (21 shaqyrym, ekiden) nátijesi keshirek jariialanady. Týrnir kesteleri de úsh kún ishinde áýesqoi jarys saitynda jaryq kóredi.
Biylǵy marafonnyń júlde qory 1,9 mln teńgeni quraidy.
Qashyqtyqtarǵa júgirgen barlyq qatysýshylar máreshi medali tabystalady. Jeńiske jetken jelaiaqtarǵa taǵy bir medal men aqshalai syiaqy beriledi.
