Almaty mańyndaǵy ushaq apatynan Qazaqstandaǵy Aýrýlardy basqarý baǵdarlamasyn engizý boiynsha ulttyq jattyqtyrýshy Arman Isina qaza boldy. Bul jaiynda QR Densaýlyq saqtaý ministri Eljan Birtanov Facebook-tegi paraqshasynda jazdy, dep habarlaidy "Ult aqparat".
«Qazaqstan meditsinasy aýyr qaiǵyny basynan ótkerýde. Áriptesimiz, akýsher-ginekolog Arman Isina qaza tapty. Ol Qazaqstandaǵy Aýrýlardy basqarý baǵdarlamasyn engizý boiynsha ulttyq jattyqtyrýshy bolatyn. Meditsinalyq-sanitariialyq alǵashqy kómek mamandaryna sozylmaly infektsiialyq emes aýrýǵa shaldyqqan patsientterdi halyqaralyq talaptarǵa sáikes emdeý tásilderin úiretip júrgen edi», - dep jazdy ol.
Ministr dereginshe, Arman Isina Qaraǵandy memlekettik meditsina institýtyn bitirgen. Elimizdegi ártúrli densaýlyq saqtaý uiymdarynda, atap aitqanda Densaýlyq saqtaý ministrliginde jáne halyqaralyq densaýlyq saqtaý uiymdarynda jumys istedi.
«Bul barlyǵymyz úshin, ásirese, áriptesimizdiń otbasy úshin óte aýyr jáne orny tolmas qaiǵy. Elimizdegi búkil dárigerdiń atynan Arman Isinanyń týǵan-týystary men jaqyndaryna qaiǵyryp kóńil aitamyn», - dedi Eljan Birtanov.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
