Almatydaǵy №4 qalalyq klinikalyq aýrýhanasynyń bas dárigeri Saǵi Beisenbekov áýe apatynda zardap shekken Ulttyq qaýipsizdik qyzmeti qyzmetkerleriniń jaǵdaiy týraly aitty, dep habarlaidy "Ult aqparat".
«Almatyda ushaq apatynan zardap shekken eki azamattyń jaǵdaiy aýyr, biraq turaqty. Reanimatsiia jaǵdaiynda baqylaýda. Ekeýi de esin jidy»,- deidi Saǵi Beisenbekov.
Eske sala keteiik, 13 naýryz kúni Nur-Sultan-Almaty baǵytyndaǵy AN-26 áskeri ushaǵy radardan joǵalyp ketip, Almaty áýejaiy mańynda apatqa ushyraǵan edi.
Ushaqta bolǵan 4 adam qaza tapty, 2 adam túrli jaraqatpen Almaty qalasynyń №4 qalalyq klinikalyq aýrýhanasyna jetkizildi.
Ushaq apaty bolǵan jerge qala ákimi Baqytjan Saǵyntaev baryp, quzyrly organ ókilderine zardap shekkenderge barynsha kómek kórsetýdi tapsyrdy.
Sonymen qatar, Memleket basshysy áýe apatynyń sebepterin anyqtaýdy tapsyrǵanbolatyn.
Qazaqstan Respýblikasy Ulttyq qaýipsizdik komiteti Almatyda apatqa ushyraǵan ushaqtyń qara jáshigindegi derekter tekserilip jatqandyǵyn málim etti.
