الماتىداعى №4 قالالىق كلينيكالىق اۋرۋحاناسىنىڭ باس دەرٸگەرٸ ساعي بەيسەنبەكوۆ ەۋە اپاتىندا زارداپ شەككەن ۇلتتىق قاۋٸپسٸزدٸك قىزمەتٸ قىزمەتكەرلەرٸنٸڭ جاعدايى تۋرالى ايتتى, دەپ حابارلايدى "ۇلت اقپارات".
«الماتىدا ۇشاق اپاتىنان زارداپ شەككەن ەكٸ ازاماتتىڭ جاعدايى اۋىر, بٸراق تۇراقتى. رەانيماتسييا جاعدايىندا باقىلاۋدا. ەكەۋٸ دە ەسٸن جيدى»,- دەيدٸ ساعي بەيسەنبەكوۆ.
ەسكە سالا كەتەيٸك, 13 ناۋرىز كٷنٸ نۇر-سۇلتان-الماتى باعىتىنداعى ان-26 ەسكەري ۇشاعى راداردان جوعالىپ كەتٸپ, الماتى ەۋەجايى ماڭىندا اپاتقا ۇشىراعان ەدٸ.
ۇشاقتا بولعان 4 ادام قازا تاپتى, 2 ادام تٷرلٸ جاراقاتپەن الماتى قالاسىنىڭ №4 قالالىق كلينيكالىق اۋرۋحاناسىنا جەتكٸزٸلدٸ.
ۇشاق اپاتى بولعان جەرگە قالا ەكٸمٸ باقىتجان ساعىنتاەۆ بارىپ, قۇزىرلى ورگان ٶكٸلدەرٸنە زارداپ شەككەندەرگە بارىنشا كٶمەك كٶرسەتۋدٸ تاپسىردى.
سونىمەن قاتار, مەملەكەت باسشىسى ەۋە اپاتىنىڭ سەبەپتەرٸن انىقتاۋدى تاپسىرعانبولاتىن.
قازاقستان رەسپۋبليكاسى ۇلتتىق قاۋٸپسٸزدٸك كوميتەتٸ الماتىدا اپاتقا ۇشىراعان ۇشاقتىڭ قارا جەشٸگٸندەگٸ دەرەكتەر تەكسەرٸلٸپ جاتقاندىعىن مەلٸم ەتتٸ.
