Almaty qalalyq qoǵamdyq densaýlyq saqtaý basqarmasy ushaq apatynan zardap shekkenderdiń qazirgi jaǵdaiy týraly aitty, dep habarlaidy "Ult aqparat".
Ushaq apatynan barlyǵy 68 adam jaraqat aldy, olardyń 51-i aýrýhanaǵa jatqyzyldy, onyń toǵyzy bala. 7 adam alǵashqy meditsinalyq kómekten keiin ambýlatoriialyq baqylaýǵa jiberildi.
12 adam qaza tapty. Olardyń 8-i oqiǵa ornynda, 2-ýi tasymaldaý kezinde jáne 2 eresek adam alǵan jaraqattarynan №4 qalalyq klinikalyq aýrýhanada qaitys boldy.
«Qazirgi ýaqytta aýrýhanalarda 37 naýqas jatyr, olardyń 6-nyń jaǵdaiy turaqty aýyr, 31-niń jaǵdaiy ortasha. Almaty qalalyq jedel shuǵyl kómek kórsetý aýrýhanasynda jatqan 7 adam jáne №4 qalalyq klinikalyq aýrýhanadan 1 naýqas úiine shyqty. Olar ary qarai ambýlatoriialyq em qabyldaidy. Sonymen qatar, ortalyq klinikalyq aýrýhanadan bir naýqas, Almaty kópsalaly klinikalyq aýrýhanasynan eki eresek jáne bir bala úilerine shyǵaryldy», - dep habarlady basqarmadan.
Qazirgi ýaqytta shuǵyl meditsinalyq járdem ortalyǵynda 8 bala; № 4 qalalyq klinikalyq aýrýhanasynda 17 eresek adam; Almaty qalalyq jedel shuǵyl kómek kórsetý aýrýhanasynda 5 eresek adam; ortalyq qalalyq aýrýhanada 3 eresek; Almaty kópsalaly klinikalyq aýrýhanasynda 3 eresek adam; «Privat» klinikasynda 1 naýqas jatyr.
Aýrýhanalardyń jansaqtaý bóliminde 6 naýqas jatyr. Barlyǵy eresek adamdar. 21 adamǵa ota jasaldy. Onyń ishinde 2 bala bar. Meditsinalyq kómek, diagnostikalyq tekserýler, dári-dármekpen qamtamasyz etý tolyq kólemde kórsetilip jatyr.
«Kún saiyn Almaty jáne Nur-Sultan qalalarynyń jáne respýblikalyq meditsina uiymdarynyń dárigerleri konsiliým ótkizedi», - dep tolyqtyrdy basqarma baspasóz qyzmeti.
Sondai-aq, ushaq apatynan zardap shekkendermen jáne qaitys bolǵandardyń otbasylarymen 57 psiholog jumys istep jatyr. Kezekshi psihologtardyń kestesi jasalyp, barlyq nysandarǵa taratyldy.
