"Altyn Orda" bazary aýmaǵyndaǵy dámhana órtendi, dep habarlaidy "Ult aqparat" Almaty oblystyq tótenshe jaǵdailar departamentiniń baspasóz qyzmetine silteme jasap.
Oblystyq TJD málimetinshe, 2 shilde saǵat 13:19-da kezekshi bólimniń pýltine Almaty oblysynyń Qarasai aýdanyndaǵy Almaty-Bishkek avtojolynyń boiynda, "Altyn orda" bazarynyń aýmaǵynda ornalasqan "Jeti qurdas" bazarynda úsh ǵimarattyń shatyry órtengeni týraly habarlama túsken. Olar - samsa daiyndaityn úi-jai, lombard jáne eki qabatty kafeniń shatyry.
Órt 200 sharshy metr aýmaqty sharpyǵan. Qurylystyń jalpy aýdany – 400 sharshy metr.
"Oqiǵa ornyna joǵary dárejedegi shaqyrtýmen kúshter men quraldar jiberildi. Órtti sóndirýge Almaty oblysynyń TJD (11 qyzmetker jáne eki tehnika), aýdandyq politsiia bóliminiń (alty qyzmetker jáne eki tehnika) 16 qyzmetkeri men bes tehnikasy jumyldyryldy. Órt saǵat 14:14-te sóndirildi. Qaza bolǵandar men zardap shekkender joq.
Órttiń sebebin anyqtaý úshin oqiǵa ornyna TJD órt synaq zerthanasy jiberildi" delingen habarlamada.
