Almaty oblysy aýmaǵynda politsiia qyzmetkeri jol apatynan kóz jumdy, dep habarlaidy "Ult aqparat".
Jol apaty búgin tańǵy saǵat toǵyz shamasynda Almaty oblysynyń Qarasai aýdanynda boldy
Almaty qalalyq Politsiia departamentiniń málimetine sáikes, Kóldi-Jalpaqsai tas jolynda «Mazda-626» avtokóliginiń júrgizýshisi rýlge ie bola almai, joldyń qarsy betine shyǵyp ketip, 22 jastaǵy Almaty qalasy patrýldik politsiiasynyń inspektory Nádir Qalymov tizgindegen «Lada Granta» avtokóligimen soqtyǵysqan. Soqqy inertsiiasymen «Lada» jol shetine qarai ushyp ketip, aǵashqa soǵylǵan.
«Politsiia kishi serjanty N. Qalymov túngi aýysymnan úiine qaityp kele jatqan, biraq ol úiine sol kúii jete almady: politsei alǵan jaraqattarynan oqiǵa ornynda kóz jumdy. Ártúrli dene jaraqattaryn alǵan «Mazda-626» kóliginiń júrgizýshisi aýrýhanaǵa jetkizildi», - dep habarlady politsiiadan.
Atalǵan fakti boiynsha Almaty oblysy PD Qarasai aýdanynyń politsiia basqarmasy QR Qylmystyq kodeksiniń 345-baby, 3-bóligi boiynsha tergeý júrgizedi.
Politsiia kishi serjanty Nádir Qalymov ishki ister organdarynda 2019 jyldyń qyrkúieginen bastap qyzmet etti. Onyń artynda anasy men aiaǵy aýyr kelinshegi qaldy.
