Almaty mańynda jantúrshigerlik jol-kólik oqiǵasy boldy, - dep habarlaidy Tengrinews.kz.
Jol-kólik oqiǵasy 4 maýsymda keshke Almaty-Bishkek tasjolynda, Turar eldi mekenine burylysqa jaqyn jerde bolǵan. Kýágerler áleýmettik jelide apattan keiin túsirilgen videolardy bólisip jatyr. Jariialanǵan kadrlarda jeńil kólikterdiń biri qalai ekige bólinip qalǵany túsirilgen. Sol jerde jolaýshylar avtobýsy, sondai-aq basqa da kólikter turǵany kórinedi.
Politseilerdiń aitýynsha, jol apaty Almaty-Bishkek tasjolynyń 36-shaqyrymynda Qarasai aýdanynda bolǵan.
"Mitsubishi Galant kóliginiń 24 jastaǵy júrgizýshisi Almatyǵa shyǵys baǵytta kele jatyp, qatar kele jatqan Mazda kóligimen soqtyǵysqan. Ári qarai soqqy inertsiiasymen Mitsubishi qarsy jolaqqa aýdarylyp, Yutong Bus avtobýsymen soqtyǵysty", - dedi Almaty oblysy Politsiia departamentiniń baspasóz qyzmeti ókilderi.
Jol apatynan Mitsubishi júrgizýshisi zardap shegip, Qaskeleń aýrýhanasyna jatqyzylǵan.
Jol-kólik oqiǵasy boiynsha politsiia qyzmetkerleri QR ÁQBtK-niń 620-baby 2-bóligi boiynsha ákimshilik hattama toltyrdy.
