الماتى ماڭىندا جانتٷرشٸگەرلٸك جول-كٶلٸك وقيعاسى بولدى, - دەپ حابارلايدى Tengrinews.kz.
جول-كٶلٸك وقيعاسى 4 ماۋسىمدا كەشكە الماتى-بٸشكەك تاسجولىندا, تۇرار ەلدٸ مەكەنٸنە بۇرىلىسقا جاقىن جەردە بولعان. كۋەگەرلەر ەلەۋمەتتٸك جەلٸدە اپاتتان كەيٸن تٷسٸرٸلگەن ۆيدەولاردى بٶلٸسٸپ جاتىر. جارييالانعان كادرلاردا جەڭٸل كٶلٸكتەردٸڭ بٸرٸ قالاي ەكٸگە بٶلٸنٸپ قالعانى تٷسٸرٸلگەن. سول جەردە جولاۋشىلار اۆتوبۋسى, سونداي-اق باسقا دا كٶلٸكتەر تۇرعانى كٶرٸنەدٸ.
پوليتسەيلەردٸڭ ايتۋىنشا, جول اپاتى الماتى-بٸشكەك تاسجولىنىڭ 36-شاقىرىمىندا قاراساي اۋدانىندا بولعان.
"Mitsubishi Galant كٶلٸگٸنٸڭ 24 جاستاعى جٷرگٸزۋشٸسٸ الماتىعا شىعىس باعىتتا كەلە جاتىپ, قاتار كەلە جاتقان Mazda كٶلٸگٸمەن سوقتىعىسقان. ەرٸ قاراي سوققى ينەرتسيياسىمەن Mitsubishi قارسى جولاققا اۋدارىلىپ, Yutong Bus اۆتوبۋسىمەن سوقتىعىستى", - دەدٸ الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸ ٶكٸلدەرٸ.
جول اپاتىنان Mitsubishi جٷرگٸزۋشٸسٸ زارداپ شەگٸپ, قاسكەلەڭ اۋرۋحاناسىنا جاتقىزىلعان.
جول-كٶلٸك وقيعاسى بويىنشا پوليتسييا قىزمەتكەرلەرٸ قر ەقبتك-نٸڭ 620-بابى 2-بٶلٸگٸ بويىنشا ەكٸمشٸلٸك حاتتاما تولتىردى.
