Foto: alstom.com
Oqys oqiǵa keshe Aqseńgir-Býrýndai aralyǵynyń Otar — Almaty — 1 ýchaskesinde bolǵan, dep habarlaidy QTJ baspasóz qyzmeti.
2025 jylǵy 23 maýsymda saǵat 19:10–da Aqseńgir-Býrýndai aralyǵynyń Otar — Almaty — 1 ýchaskesinde poiyz mashinisi eki adamnyń temir jolǵa kenetten shyǵýyna bailanysty shuǵyl tejeýdi qoldandy. Olar lokomotiv signaldaryna nazar aýdarmady.
— Qashyqtyqtyń qysqalyǵyna bailanysty basýdyń aldyn alý múmkin bolmady. Oqiǵa týraly Almaty-1 stantsiiasynyń JPB-ǵa habarlandy. Oqiǵa ornynda quzyretti qyzmetter jumys istep jatyr. Tergeý júrgizilýde, — delingen vedomstvo habarlamasynda.
QTJ temir joldarynda bolý erejelerin qatań saqtaý qajettigin eske salady. Temir joly — qaýiptiligi joǵary aimaq.
Budan buryn BQO-da júk kóligi poiyzben soqtyǵysyp, júrgizýshi mert bolǵanyn jazǵan edik.
