فوتو: alstom.com
وقىس وقيعا كەشە اقسەڭگٸر-بۋرۋنداي ارالىعىنىڭ وتار — الماتى — 1 ۋچاسكەسٸندە بولعان, دەپ حابارلايدى قتج باسپاسٶز قىزمەتٸ.
2025 جىلعى 23 ماۋسىمدا ساعات 19:10–دا اقسەڭگٸر-بۋرۋنداي ارالىعىنىڭ وتار — الماتى — 1 ۋچاسكەسٸندە پويىز ماشينيسٸ ەكٸ ادامنىڭ تەمٸر جولعا كەنەتتەن شىعۋىنا بايلانىستى شۇعىل تەجەۋدٸ قولداندى. ولار لوكوموتيۆ سيگنالدارىنا نازار اۋدارمادى.
— قاشىقتىقتىڭ قىسقالىعىنا بايلانىستى باسۋدىڭ الدىن الۋ مٷمكٸن بولمادى. وقيعا تۋرالى الماتى-1 ستانتسيياسىنىڭ جپب-عا حابارلاندى. وقيعا ورنىندا قۇزىرەتتٸ قىزمەتتەر جۇمىس ٸستەپ جاتىر. تەرگەۋ جٷرگٸزٸلۋدە, — دەلٸنگەن ۆەدومستۆو حابارلاماسىندا.
قتج تەمٸر جولدارىندا بولۋ ەرەجەلەرٸن قاتاڭ ساقتاۋ قاجەتتٸگٸن ەسكە سالادى. تەمٸر جولى — قاۋٸپتٸلٸگٸ جوعارى ايماق.
بۇدان بۇرىن بقو-دا جٷك كٶلٸگٸ پويىزبەن سوقتىعىسىپ, جٷرگٸزۋشٸ مەرت بولعانىن جازعان ەدٸك.
