Almaty mańynda taǵy bir qarý-jaraq jasyrylǵan qoima tabyldy, dep habarlaidy QazAqparat.
Politsiia málimetinshe, qarý-jaraq qoimasy Ile aýdany, Almaty - Óskemen tasjolynyń boiynda jasyrylǵan.
«Ony jergilikti qylmystyq izdestirý bóliminiń qyzmetkerleri anyqtady. Qoimadan 22 kalibrli «Marlin» jáne 308 kalibrli «Tikka» myltyǵy tabyldy. Belgili bolǵanyndai, atys qarýlary Almatydaǵy qarý-jaraq dúkenderiniń birinen qańtar aiyndaǵy tártipsizdikter kezinde urlanǵan»,- dep habarlady politsiiadan.
Qarý-jaraq ballistikalyq saraptamaǵa jiberildi.
Tergeý aiaqtalǵannan keiin qarý zańdy iesine qaitarylady.
2022 jyldyń basynan beri Almaty oblysynda 200-ge jýyq atys qarýy tárkilendi. Onyń 133 tapansha.
