Almaty koronavirýs taralýyna bailanysty «qyzyl aimaqqa» ótti. Osyǵan orai qalada karantin sharalary kúsheitiledi. Bul týraly onlain brifing barysynda qalalyq Sanitarlyq epidemiologiialyq baqylaý departamenti basshysynyń orynbasary Ásel Qalyqova aitty, dep habarlaidy QazAqparat.
Brifing barysynda jýrnalister Naýryz merekesine bailanysty epidemiologiialyq ahýal qalai ózgeretinin surady.
«Kez kelgen mereke halyq arasyndaǵy bailanysty arttyrady. Iaǵni, bul aýrý taralýynyń kórsetkishin ulǵaitady. Jurtshylyq Naýryz merekesin toilaýǵa daiyndalyp jatyr. Al búginnen bastap Almaty epidemiologiialyq ahýal matritsasynyń qyzyl aimaǵyna ótti. Endi jappai buqaralyq sharalarǵa tyiym salynady», - dedi Á.Qalyqova.
Onyń aitýynsha, qalada shekteý sharalary kúsheitiledi. Jaqynda qalanyń bas sanitarlyq dárigeriniń qaýlysy jariialanady. Qazir qujat talqylaý satysynda jatyr.
