الماتى كوروناۆيرۋس تارالۋىنا بايلانىستى «قىزىل ايماققا» ٶتتٸ. وسىعان وراي قالادا كارانتين شارالارى كٷشەيتٸلەدٸ. بۇل تۋرالى ونلاين بريفينگ بارىسىندا قالالىق سانيتارلىق ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا ايتتى, دەپ حابارلايدى قازاقپارات.
بريفينگ بارىسىندا جۋرناليستەر ناۋرىز مەرەكەسٸنە بايلانىستى ەپيدەميولوگييالىق احۋال قالاي ٶزگەرەتٸنٸن سۇرادى.
«كەز كەلگەن مەرەكە حالىق اراسىنداعى بايلانىستى ارتتىرادى. ياعني, بۇل اۋرۋ تارالۋىنىڭ كٶرسەتكٸشٸن ۇلعايتادى. جۇرتشىلىق ناۋرىز مەرەكەسٸن تويلاۋعا دايىندالىپ جاتىر. ال بٷگٸننەن باستاپ الماتى ەپيدەميولوگييالىق احۋال ماتريتساسىنىڭ قىزىل ايماعىنا ٶتتٸ. ەندٸ جاپپاي بۇقارالىق شارالارعا تىيىم سالىنادى», - دەدٸ ە.قالىقوۆا.
ونىڭ ايتۋىنشا, قالادا شەكتەۋ شارالارى كٷشەيتٸلەدٸ. جاقىندا قالانىڭ باس سانيتارلىق دەرٸگەرٸنٸڭ قاۋلىسى جارييالانادى. قازٸر قۇجات تالقىلاۋ ساتىسىندا جاتىر.
