Almatyda taǵy 3 myń beinekamera paida bolady, dep habarlaidy QazAqparat.
«Aldaǵy ýaqytta 3 myń beinebaqylaý kamerasy ornatylady. Qala turǵyndarynyń qaýipsizdik sharalaryn uiymdastyrýdyń mańyzdy jobasy biryńǵai beinebaqylaý júiesi bolmaq. Eger buryn tek jol qozǵalysy qaýipsizdiginiń jai-kúii PD JBO arqyly baqylanatyn bolsa, 2020 jyldan bastap ortalyq azamattardyń kóp jinalatyn jerlerindegi, aýlalardaǵy jáne aýlalarǵa, politsiia pýnktterine irgeles aýmaqtardaǵy qozǵalys mártebesine ene bastady. Aldaǵy 2 jylda qaladaǵy barlyq jaǵdaidy kórý úshin kameralardy saýda ortalyqtarymen jáne basqa da jeke menshik nysandarymen biriktirýdi josparlap otyrmyz», – dedi Almaty qalalyq PD aqparattandyrý jáne bailanys basqarmasynyń bastyǵy Olga Agafonova.
Almaty qalalyq politsiia departamentiniń málimetinshe, 4-7 qańtar aralyǵyndaǵy jappai tártipsizdik kezinde 75 «Sergek» kesheni, iaǵni 304 beinekamera, sondai-aq RTRK ǵimaratynda ornalasqan bailanys ortalyǵy, antenna jáne jelilik jabdyq isten shyqty.
Búgingi kúni barlyq zaqymdalǵan kameralar men jabdyqtar qalpyna keltirildi.
Talshyqty-optikalyq taratý júiesi arnalaryna qosylýǵa arnalǵan jeke júiesi bar 1 103 kamerany qamtityn «Beinebaqylaý júieleri» jobasy boiynsha tártipsizdikter kezinde 283 kamera, sondai-aq shkaftar men taratý jabdyqtary isten shyqty. Qazirgi ýaqytta beinekameralar men zaqymdanǵan qondyrǵylar qalypty jumys istep tur.
