QR «Almaty qalasynyń erekshe mártebesi» Zańynyń aiasynda qala ákimdigi jol qozǵalysyn basqarýdyń avtomatty júiesin engizý men paidalanýdyń jańa erejelerin ázirlenip jatyr, – dep habarlaidy "Ult aqparat".
Atalǵan erejeler qalanyń baǵdarsham júiesin modernizatsiialaýǵa múmkindik beredi. Biylǵy jyly 93 baǵdarsham ziiatkerlik kólik júiesimen jaraqtandyrylady. Bul quzyret qala turǵyndarynyń, mamandardyń pikirin jáne halyqaralyq tájiribeni eskere otyryp ákimdiktiń bastamasy boiynsha qolǵa alynýda. Osy máselege qatysty júrgizilgen zertteýler baǵdarshamdardy jol jaǵdailaryna qarai beiimdeý qajet ekenin kórsetti.
«Biyl ziiatkerlik júieniń alǵashqy kezeńinde 93 baǵdarshamdy ornatýdy josparlap otyrmyz, qalǵany 2022 jyldyń sońyna deiin júzege asyrylady», — dedi Almaty qalasy qalalyq mobildilik basqarmasy basshysynyń orynbasary Qanat Baiǵonyrov.
«Aqyldy» baǵdarshamdar joldardaǵy qozǵalysty ózi retteidi, qondyrǵy júrgizýshiler úshin qolaily ýaqytty (20 nemese 30 sekýnd) boljai alady. Qanat Baiǵońyrov baǵdarshamdardyń ziiatkerlik júiesiniń jolaqtardaǵy, baǵyttardaǵy kólik sanyn avtomatty túrde sanaitynyn jáne kólik jyldamdyǵyn anyqtaitynyn da aitty.
«Kólik aǵynyn tirkeidi jáne syrtqy ásersiz jol qozǵalysyn retteitin bolady. Osylaisha, baǵdarshamdar joldardaǵy jaǵdailarǵa beiimdeledi», — deidi ol.
Nátijesinde «aqyldy» baǵdarshamdar «jasyl dálizdi» qurady jáne qozǵalys áleýetine basymdyq beredi, eń aldymen qozǵalystyń úlken aǵynyn azaitýdy basshylyqqa alady ári qoǵamdyq kólik qozǵalysyna yqpal etedi.
Mundai ziiatkerlik júieni engizý qaladaǵy jol qozǵalysyna qatysty problemalardy sheshýge, joldardaǵy keptelisterdi azaitýǵa, kóshe-jol jelisiniń ótkizý qabiletin arttyrýǵa ári apatty jaǵdailardy azaitýǵa kómektesedi dep kútilýde.
