Almaty kóshelerindegi qardy jinaýǵa 600 tehnika men 1,5 myń jumysshy jumyldyryldy, – dep habarlaidy qala ákimdigi.
Megopoliske kesheden beri tolassyz qar jaýyp jatyr. Búgin de jaýady degen boljam bar.
«Kóktaiǵaqtyń aldyn alý maqsatynda joldarǵa, burylystarǵa, jolairyqtarǵa 4150 tonna material sebildi. Trotýarlar, ortaq paidalanatyn jerler, jaiaý júrginshi aimaqtary, ótpeli joldarǵa kiretin jáne shyǵatyn jerler qardan tolyqtai tazartylyp jatyr» delingen ákimdik habarlamasynda.
Tańnan beri qalada 596 tehnika men 1566 jol jumysshy qar jinaýda. Aýdan ákimdikteri men qala ákimdiginde qar jinaýdy jiti qadaǵalaityn kezekshilik táýlik boiyna uiymdastyryldy.
