Almaty koronavirýsqa qarsy vaktsinanyń taǵy eki transhyn alady, dep habarlaidy "Ult aqparat".
Almaty qalalyq qoǵamdyq densaýlyq saqtaý basqarmasynyń málimetinshe, biylǵy jyldyń 1 aqpany men 8 sáýiri aralyǵynda 49 160 adamǵa ekpe salyndy. Onyń 12281-i vaktsinanyń eki komponentin de alǵan. Ótken táýlikte 1180 adam ekpe saldyrdy.
Keshegi kúni qalaǵa vaktsinanyń besinshi jáne altynshy transhy - 18000 jáne 29000 doza jetkizildi. Jaqyn kúnderi vaktsinanyń 424 myń dozasy alynady.
Almaty emhanalarynda barlyǵy 198 vaktsinatsiia pýnkti ashyldy. Saýda – oiyn ortalyqtarda – 20. Sondai-aq respýblika saraiynda da ornalastyrylǵan. Jalpy megapoliste ekpe salatyn 250 pýnkt jumys isteitin bolady.
«Almatyda 2 mln-ǵa jýyq turǵyn bar. Onyń ishinde 18 jasqa deiingi balalardyń sanyn alyp tastaityn bolsaq, teoriialyq turǵydan alǵanda, halyqtyń 50% vaktsinatsiialaýǵa bolady. Gamaleia institýtynyń mikrobiologiia professory Aleksandr Gintsbýrgtyń aitýynsha, koronavirýsqa qarsy ujymdyq immýniteti qalyptastyrý úshin halyqtyń 75% immýndaý qajet»,- dep habarlady basqarmadan.
Qazir qaladaǵy emhanalar vaktsina saldyrýǵa nietti barlyq kelýshilerdi tirkeýge alyp, kezekke qoiyp jatyr.
