Jol qyzmetiniń kúndelikti tekserý jumystaryna qaramastan, aqyly ýchaskelerde jol elementterin urlaý faktileri azaimai tur, dep habarlaidy «QazAvtoJol» UK baspasóz qyzmeti.
Máselen, «Nur-Sultan-Shýchinsk» ýchaskesinde 2018 jyldan bastap 10 urlyq faktisi tirkelgen. Kabelder men úi janýarlardyń jolǵa shyqpaýy úshin ornatylǵan arnaiy qorshaýlarmen qatar, basqa da baǵaly tehnikalyq-quraldar urlanýda. 2018 jyldyń sáýir aiynda demalys alańyndaǵy jappa (besedka), al aǵymdaǵy jyldyń tamyz aiynda aqyly ýchaskeden dizeldi-generator urlanǵan. Sonymen qatar, 7 dana jaryq projektory, 30-ǵa jýyq jaryq beretin qurylǵy, 412 birlik konsol urlanǵan.
«Nur-Sultan-Temirtaý» ýchaskesinde 5 myń metrden astam qorshaý urlandy.
Kabelder men qorshaýlardy urlaý faktileri Almaty oblysyndaǵy aqyly ýchaskelerde de jii tirkeledi. Bul oblystaǵy urlyqtyń aýqymy da keń. «Almaty-Qorǵas» aqyly jolyndaǵy qaita jańartý jumystarynan keiin ýchaskeden 35 shaqyrym elektr jelisi urlanǵan. Alaida, bul atalmysh ýchaskedegi urlyq faktileriniń tek bastamasy ǵana. Baiserke, Aqbastaý jáne Qazatkom jol aiyryǵynda 3 transformator urlanǵan. «Almaty-Qapshaǵai» ýchaskesindegi úsh ret urlanǵan elektr jelileriniń jalpy kólemi 6 shaqyrymǵa jetedi.
Joldyń boiyndaǵy demalys alańdarynan oryndyq pen ústeldermen qatar, aialdama pavilondaryn urlaǵan faktiler de tirkelgen.
Urlaý faktileri anyqtalǵannan keiin Direktsiia qyzmetkerleri shuǵyl túrde ishki ister bólimine habar beredi. Politsiia qyzmetkerleri oqiǵa ornynda akt jasap, 1 táýliktiń ishinde resmi hat jergilikti politsiia bólimshesine jetkizedi.
«QazAvtoJol» UK» AQ «Aqyly avtomobil joldary direktsiiasy» filialy jol belgilerin urlaý joldaǵy qaýipsizdikke áser etetinin eskertedi.
