Almaty-Qorǵas tasjoly qalyń tumanǵa bailanysty jabyldy. Mamandar bul baǵytqa jolǵa shyqpaýdy eskertedi, - dep habarlaidy QazAqparat.
«QazAvtoJol» UK AQ Almaty oblystyq filialy men «Qazaqavtojol» JShS Almaty oblystyq filialynyń habarlaýynsha, 2021 jylǵy 25 jeltoqsan saǵat 12:00-den bastap kún raiynyń nasharlaýyna iaǵni, qalyń tuman túsip, joldyń kórinbeýine bailanysty «Almaty-Qorǵas» respýblikalyq mańyzy bar avtojoly jabyldy. Naqty atalǵan baǵyttyń 24-140 shaqyrymynda qozǵalys toqtatylady. Bul Arman kenti men Shelek aýylynyń mańy. Bul baǵytta avtokóliktiń barlyq túrleri úshin qozǵalys jabyldy», - delingen Almaty oblysy Tótenshe jaǵdailar departamenti baspasóz qyzmetiniń habarlamasynda.
Vedomstvonyń mamandary Almaty oblysynyń osy baǵyttaǵy saparlardan bas tartýdy eskertedi.
