الماتى-قورعاس تاسجولى قالىڭ تۇمانعا بايلانىستى جابىلدى. ماماندار بۇل باعىتقا جولعا شىقپاۋدى ەسكەرتەدٸ, - دەپ حابارلايدى قازاقپارات.
«قازاۆتوجول» ۇك اق الماتى وبلىستىق فيليالى مەن «قازاقاۆتوجول» جشس الماتى وبلىستىق فيليالىنىڭ حابارلاۋىنشا, 2021 جىلعى 25 جەلتوقسان ساعات 12:00-دەن باستاپ كٷن رايىنىڭ ناشارلاۋىنا ياعني, قالىڭ تۇمان تٷسٸپ, جولدىڭ كٶرٸنبەۋٸنە بايلانىستى «الماتى-قورعاس» رەسپۋبليكالىق ماڭىزى بار اۆتوجولى جابىلدى. ناقتى اتالعان باعىتتىڭ 24-140 شاقىرىمىندا قوزعالىس توقتاتىلادى. بۇل ارمان كەنتٸ مەن شەلەك اۋىلىنىڭ ماڭى. بۇل باعىتتا اۆتوكٶلٸكتٸڭ بارلىق تٷرلەرٸ ٷشٸن قوزعالىس جابىلدى», - دەلٸنگەن الماتى وبلىسى تٶتەنشە جاعدايلار دەپارتامەنتٸ باسپاسٶز قىزمەتٸنٸڭ حابارلاماسىندا.
ۆەدومستۆونىڭ ماماندارى الماتى وبلىسىنىڭ وسى باعىتتاعى ساپارلاردان باس تارتۋدى ەسكەرتەدٸ.
