Budan bylai Almaty qonaq úii – Orbis Kazakhstan kompaniiasynyń menshigi.
Forbes.kz basylymynyń habarlaýynsha, Orbis Kazakhstan kompaniiasynyń ieleri – Farrýh pen Sýhrab Mahmýdovtar. Olar ekonomikanyń barlyq salasymen jumys isteidi eken. Orbis Kazakhstan-nyń jumysy munai-himiia, avtoriteil, agrobiznes, qurylys pen basqa da salalardy qamtyǵan, - dep jazady Ulysmedia.kz portaly.
Almaty qonaq úii 1967 jyly salynǵan. Ol ótken ǵasyrdyń 90-jyldary turalap, 2000 jyldary ekinshi demin alyp, jumys istep keledi. 2006 jyly ony Astana Group kompaniiasy satyp alǵan edi. Sol kezde qonaq úi kúrdeli jóndeýden ótip, ajary ashyldy.
Astana Group-tyń basshysy Nurlan Smaǵulovtyń aitýynsha, kompaniia 16 jyldan beri oteldiń saqtalyp, mártebesiniń artýyna qolda bar jaǵdaidy jasaǵan.
"Bizdiń kompaniia Almaty-nyń baiaǵy 60-jyldardaǵy túr-túsin, kelbetin saqtap qalý úshin barlyq jaǵdaidy jasady. Onymen birneshe jyl boiy ainalystyq. Endi satylymnan túsken aqshany biz Almaty Museum of Arts qazirgi zamanǵy óner mýzeiiniń qurylysyna jumsaityn bolamyz. Murajai 2024 jyldyń ortasynda ashylady. Almatynyń ajary osylai ashyla beredi", - dedi ol.
Orbis Kazakhstan-nyń ókilderi qonaq úi burynǵy rejimde jumys istei beretinine sendirip otyr. "Onyń syrtqy kelbeti, ishki dizainy da ózgermeidi" deidi kompaniiadaǵylar.
