بۇدان بىلاي Almaty قوناق ٷيٸ – Orbis Kazakhstan كومپانيياسىنىڭ مەنشٸگٸ.
Forbes.kz باسىلىمىنىڭ حابارلاۋىنشا, Orbis Kazakhstan كومپانيياسىنىڭ يەلەرٸ – فاررۋح پەن سۋحراب ماحمۋدوۆتار. ولار ەكونوميكانىڭ بارلىق سالاسىمەن جۇمىس ٸستەيدٸ ەكەن. Orbis Kazakhstan-نىڭ جۇمىسى مۇناي-حيمييا, اۆتوريتەيل, اگروبيزنەس, قۇرىلىس پەن باسقا دا سالالاردى قامتىعان, - دەپ جازادى Ulysmedia.kz پورتالى.
Almaty قوناق ٷيٸ 1967 جىلى سالىنعان. ول ٶتكەن عاسىردىڭ 90-جىلدارى تۇرالاپ, 2000 جىلدارى ەكٸنشٸ دەمٸن الىپ, جۇمىس ٸستەپ كەلەدٸ. 2006 جىلى ونى Astana Group كومپانيياسى ساتىپ العان ەدٸ. سول كەزدە قوناق ٷي كٷردەلٸ جٶندەۋدەن ٶتٸپ, اجارى اشىلدى.
Astana Group-تىڭ باسشىسى نۇرلان سماعۇلوۆتىڭ ايتۋىنشا, كومپانييا 16 جىلدان بەرٸ وتەلدٸڭ ساقتالىپ, مەرتەبەسٸنٸڭ ارتۋىنا قولدا بار جاعدايدى جاساعان.
"بٸزدٸڭ كومپانييا Almaty-نىڭ باياعى 60-جىلدارداعى تٷر-تٷسٸن, كەلبەتٸن ساقتاپ قالۋ ٷشٸن بارلىق جاعدايدى جاسادى. ونىمەن بٸرنەشە جىل بويى اينالىستىق. ەندٸ ساتىلىمنان تٷسكەن اقشانى بٸز Almaty Museum of Arts قازٸرگٸ زامانعى ٶنەر مۋزەيٸنٸڭ قۇرىلىسىنا جۇمسايتىن بولامىز. مۇراجاي 2024 جىلدىڭ ورتاسىندا اشىلادى. الماتىنىڭ اجارى وسىلاي اشىلا بەرەدٸ", - دەدٸ ول.
Orbis Kazakhstan-نىڭ ٶكٸلدەرٸ قوناق ٷي بۇرىنعى رەجيمدە جۇمىس ٸستەي بەرەتٸنٸنە سەندٸرٸپ وتىر. "ونىڭ سىرتقى كەلبەتٸ, ٸشكٸ ديزاينى دا ٶزگەرمەيدٸ" دەيدٸ كومپانيياداعىلار.
