Foto: Ult.kz
Almatyda demalys kúnderi The Spirit of Tengri festival ótti. Bul — Ortalyq Aziiadaǵy asa iri zamanaýi etnikalyq mýzyka festivali, ári aýqymdy halyqaralyq mýltimádeni joba, dep jazady Ult.kz tilshisi.
Aita keteiik, Tengrinews.kz aqparattyq portalynyń 15 jyldyǵyna orai ótken bul festival ir sahnadaethno-world janrynyń búkil álemdegi úzdik oryndaýshylarynyń basyn qosatyn biregei shoý boldy.
Mýzykalyq shoýdan bólek, The Spirit of Tengri festivali qonaqtardy álem halyqtarynyń mádeni bailyǵynyń atmosferasyna bóledi. Munda Fýdkortta árbir qonaq álem halyqtarynyń ulttyq taǵamdarynan dám tatyp, festival atmosferasynyń ajyramas bólshegi — etnogrim, ár obrazǵa siqyr qosatyn túrlený ónerin tamashalady.
Foto: Ult.kz
Sonymen qatar Handmade Market-ke baryp, toqyma men keramikadan bastap, áshekeiler men dekor buiymdaryna deiingi erekshe qolóner týyndylaryn satyp alyp, estelik qaldyryp jatty.
Festival atmosferasyna sán qosatyn ajyramas bóligi — etnogrim, ár obrazǵa siqyr beretin túrlený óneri. Munda adamdar ár eldiń saltyna orai betine etnoboiaý jasatyp, bir jasap qaldy.
Foto: Ult.kz
Aita keteiik, bul festival qurylǵannan beri 100-den astam eldiń júzdegen kórnekti ártisterin biriktirip, Eýraziia halyqtary men basqa da aimaqtarynyń mýzykalyq dástúrleri men mádeni muralaryn usyndy.
Foto: Ult.kz
Foto: Ult.kz
Festivaldiń birinshi kúninde Steppe Sons (Qazaqstan), Dosi (Ońtústik Koreia), Kalascima (Italiia), Kalander (Resei\Ulybritaniia), Killa Beat Maker (Kolýmbiia) jáne Mn Trnsr (Qazaqstan) óner kórsetip, jurtshylyqty án men bige bóledi.
Ekinshi kúni Otyken (Sibir\Resei), Ay Yola (Bashqurtstan), Aro (Qazaqstan), Abbos (Ózbekstan), Daler Nazarov (Tájikstan) jáne Arsen Superfly (Qazaqstan) Almaty keshin ánmen terbedi.
Foto: Ult.kz
Foto: Ult.kz
Kók aspandy jaryq pen mýzykaǵa boiap, sahnanyń siqyryn jańa ólshemde jalǵaityn áserli dron-shoý festival keshiniń ádemi qorytyndysy boldy.
Aqbota Musabekqyzy
