Foto: Tourcode.kz
2025 jyldyń sońǵy derekterine sáikes, Almaty qalasy Qazaqstan óńirleri arasynda syrtqy saýda kólemi jaǵynan aiqyn kósh bastap tur. Megapolistiń jalpy taýar ainalymy 7,2 mlrd AQSh dollaryna jetip, onyń 1,3 mlrd dollary eksportqa tiesili boldy. Bul ótken jylmen salystyrǵanda 12,4%-ǵa joǵary kórsetkish, dep habarlaidy Ult.kz.
Qala joǵary qosylǵan quny bar ónimderdi syrtqy naryqqa shyǵarýda aitarlyqtai jetistikke jetip otyr. Eksporttalatyn negizgi taýarlar qatarynda gaz týrbinalary, aviatsiia qozǵaltqyshtary, smartfondar, metall konstrýktsiialar, legirlengen bolat, mineraldy tyńaitqyshtar jáne qant bar. Sonymen qatar ushý apparattary, mineraldy sý, janýarlarǵa arnalǵan jem, shokolad, teledidarlar men kosmetikalyq ónimder siiaqty kúndelikti tutyný taýarlarynyń da úlesi arta túsýde.
Almatynyń basty saýda seriktesteri – Qytai (1,8 mlrd dollar), Resei (1,58 mlrd dollar) jáne Ońtústik Koreia (346 mln dollar). Bul memlekettermen saýda bailanysy turaqty ósip keledi.
QazTrade kompaniiasynyń basqarýshy direktory Ainur Ámirbekovanyń aitýynsha, Almaty eksportynyń turaqty túrde artyp kele jatqany – óńirdiń myqty óndiristik bazasy men eksporttyq ekojúiesiniń tiimdiliginiń dáleli. Ásirese mashina jasaý, himiia, tamaq jáne jeńil ónerkásip salalarynyń syrtqy naryqqa shyǵýy qarqyn alǵan.
