Illiýstratsiialyq foto: QR IIDM
Almaty - Qaskeleń magistraldyq estakadasynyń bir bóligi jóndeý jumystaryna bailanysty jabylady, - dep habarlaidy Tengrinews.kz "QazAvtoJol" kompaniiasyna silteme jasap.
"QazAvtoJol" UK Almaty oblystyq filialy 2022 jyldyń 2-10 shildesi aralyǵynda kúrdeli jóndeý jumystaryna bailanysty "Almaty-Qaskeleń" baǵyty boiynsha bas magistraldyq estakadanyń bir bóligi jabylatynyn habarlaidy. Bul "Altyn Ordanyń" 16-19 shaqyrymy.
"Bul negizgi magistraldyq estakadadaǵy ýaqytsha jabynnyń tómengi qabatynyń jai-kúiine qatysty kóptegen shaǵymdarǵa bailanysty. Merdiger uiym jabynnyń ýaqytsha tómengi qabatyn aýystyrý boiynsha jóndeý jumystaryn júrgizip, keiinnen onyń joǵarǵy asfaltbeton qabatyn aiaqtaidy", - delingen habarlamada.
