Almaty ákimi Baqytjan Saǵyntaev búgin sáýletshilermen kezdesý ótkizdi, dep habarlaidy "Ult aqparat".
Bul týraly qala basshysy áleýmettik jelidegi paraqshasynda jariialady .
«Búgin tanymal jáne jas sáýletshilermen, qoǵam belsendileriniń qatysýymen ótken dóńgelek ústelde qalany damytý máselesinde keshendi is-qimyldy qajet etetin sheshimderdi talqyladyq. Búgin biz Almatynyń Bas josparyna túzetýler engizý boiynsha jumys isteýdemiz. Ol ortalyqtandyrý qaǵidatyna negizdelgen megapolistiń evoliýtsiialyq damýynyń barlyq negizgi tetikterin qamtityn bolady», - dedi ákim.
Onyń aitýynsha, qalanyń bas josparyn talqylaý úshin ǵumyryn sáýlet salasyna arnaǵan kásipqoi mamandar qajet.
«Mysaly, qazir 30 qoǵamdyq keńistiktiń jobasy ázirlenýde. Olar negizgi sipattarynan bólek estetikalyq tolyqtyǵymen de tartymdy bolýy tiis. Jalpy, biz «Almaty-2050» strategiiasynda eskerilgen sáýlettik sheberliktiń damýyna jańa serpilis berýdi niet etýdemiz. Iskerlik keńes janyndaǵy kreativti indýstriia komiteti qalany damytýdyń aǵymdyq jáne perspektivalyq máseleleri boiynsha pikir alysatyn pármendi dialog alańyna ainalýy tiis», - dedi Saǵyntaev.
