Oblystaǵylar Almatyǵa tek karantin bitken soń ǵana kire alady. Bul týraly Almaty ákiminiń birinshi orynbasary Erlan Qojaǵapanov onlain brifingide aitty, dep habarlaidy QazAqparat.
«Oblystaǵylar qalaǵa karantin rejimi aiaqtalǵannan keiin ǵana kire alady. Onyń qashan aiaqtalatynyn eshkim bilmeidi. Ókinishke orai, qazir elimizdiń barlyq óńirinde koronavirýs indetin juqtyrǵandar sany ósip keledi. Olardyń qatarynda Almatyda bar. Sondyqtan naqty aita almaimyz», - deidi Almaty qalasy ákiminiń birinshi orynbasary Erlan Qojaǵapanov.
Sondai-aq, ol Almatyda elimizdiń basqa óńirinen kelip jumys istep jatqan adamdardyń ketýge májibúr bolǵanyn aitty.
«Kóptegen azamat Almatyda jumys istep, kúneltip júrdi. Ózderińiz bilesizder Memleket basshysy tabysynan aiyrylǵan adamdardyń barlyǵyna kómek kórsetýdi tapsyrdy. Bul 3 millionnan astam adam. Olardyń barlyǵyna bir rettik kómek kórsetiledi. Kóptegen kásiporyndar úshin jeńildikter qarastyryldy. Bul sharalardyń barlyǵy turaqtylyqty saqtaý úshin jasaldy. Meniń oiymsha, biz bul synaqty birge ótemiz jáne bizde bári jaqsy bolady», deidi Erlan Qojaǵapanov.
