QR Densaýlyq saqtaý vitse-ministri Kamaljan Nadyrov Almaty qalalyq qoǵamdyq densaýlyq saqtaý basqarmasy basshylyǵyna taǵaiyndaldy, dep habarlaidy "Ult aqparat".
2019 jyldyń qarashasynan beri basqarmany basqaryp kelgen Tileýhan Ábildaev qyzmetinen óz erkimen ketti.
Kamaljan Nadyrov 1983 jyly Almaty qalasynda dúniege kelgen. S. J. Asfendiiarov atyndaǵy Qazaq memlekettik meditsina ýniversitetin, Turan ýniversitetin, Qoǵamdyq densaýlyq saqtaý joǵary mektebin támamdaǵan. Túrli jyldary Duke University, «The Fuqua School of Business» (AQSh), «Parkway College» (Singapýr), «Florence Nightingale» (Túrkiia) klinikalar tobynan, «Oxford «Social Health Insurance system» (Germaniia) oqýdan ótken.
2007-2014 jyldary B. O. Jarbosynov atyndaǵy Ýrologiia ǵylymi ortalyǵynda klinika ordinatory, bólim meńgerýshisi, bas direktordyń orynbasary qyzmetterin atqardy. Densaýlyq saqtaý ministrliginiń qurylymynda 2014 jyldan beri jumys isteidi.
Meditsinalyq qyzmetterdi standarttaý departamenti direktorynyń orynbasary qyzmetin atqardy. 2016-2017 jyldar aralyǵynda Respýblikalyq diagnostikalyq ortalyqty basqardy — «University Medical Center» filialynyń direktory boldy.
2017-2018 jyldary — Astana qalasynyń Densaýlyq saqtaý basqarmasynyń basshysy. 2018 jylǵy naýryzdan 2019 jylǵy naýryzǵa deiin Astana qalasy Qoǵamdyq densaýlyq saqtaý basqarmasynyń basshysy qyzmetin atqardy. 2019 jylǵy naýryzdan bastap qazirgi tańǵa deiin QR densaýlyq saqtaý vitse-ministri laýazymyn atqardy.
Munyń aldynda Kamaljan Nadyrov vitse-ministrlik qyzmetinen ketkenin jazǵan bolatynbyz.
Aita ketý kerek, koronavirýs infektsiiasynyń dárigerler arasynda jappai órshýine bailanysty Almatyda daýly jaǵdai týyndady.
Osyǵan bailanysty Ortalyq klinikalyq qalalyq aýrýhananyń jumysyna bailanysty epidemiologiialyq tekserý bastaldy.
Bul daýly jaǵdaidan soń qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova da qyzmetinen ketken bolatyn.
