قر دەنساۋلىق ساقتاۋ ۆيتسە-مينيسترٸ كامالجان نادىروۆ الماتى قالالىق قوعامدىق دەنساۋلىق ساقتاۋ باسقارماسى باسشىلىعىنا تاعايىندالدى, دەپ حابارلايدى "ۇلت اقپارات".
2019 جىلدىڭ قاراشاسىنان بەرٸ باسقارمانى باسقارىپ كەلگەن تٸلەۋحان ەبٸلداەۆ قىزمەتٸنەن ٶز ەركٸمەن كەتتٸ.
كامالجان نادىروۆ 1983 جىلى الماتى قالاسىندا دٷنيەگە كەلگەن. س. ج. اسفەنديياروۆ اتىنداعى قازاق مەملەكەتتٸك مەديتسينا ۋنيۆەرسيتەتٸن, تۇران ۋنيۆەرسيتەتٸن, قوعامدىق دەنساۋلىق ساقتاۋ جوعارى مەكتەبٸن تەمامداعان. تٷرلٸ جىلدارى Duke University, «The Fuqua School of Business» (اقش), «Parkway College» (سينگاپۋر), «Florence Nightingale» (تٷركييا) كلينيكالار توبىنان, «Oxford «Social Health Insurance system» (گەرمانييا) وقۋدان ٶتكەن.
2007-2014 جىلدارى ب. و. جاربوسىنوۆ اتىنداعى ۋرولوگييا عىلىمي ورتالىعىندا كلينيكا ورديناتورى, بٶلٸم مەڭگەرۋشٸسٸ, باس ديرەكتوردىڭ ورىنباسارى قىزمەتتەرٸن اتقاردى. دەنساۋلىق ساقتاۋ مينيسترلٸگٸنٸڭ قۇرىلىمىندا 2014 جىلدان بەرٸ جۇمىس ٸستەيدٸ.
مەديتسينالىق قىزمەتتەردٸ ستاندارتتاۋ دەپارتامەنتٸ ديرەكتورىنىڭ ورىنباسارى قىزمەتٸن اتقاردى. 2016-2017 جىلدار ارالىعىندا رەسپۋبليكالىق دياگنوستيكالىق ورتالىقتى باسقاردى — «University Medical Center» فيليالىنىڭ ديرەكتورى بولدى.
2017-2018 جىلدارى — استانا قالاسىنىڭ دەنساۋلىق ساقتاۋ باسقارماسىنىڭ باسشىسى. 2018 جىلعى ناۋرىزدان 2019 جىلعى ناۋرىزعا دەيٸن استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى قىزمەتٸن اتقاردى. 2019 جىلعى ناۋرىزدان باستاپ قازٸرگٸ تاڭعا دەيٸن قر دەنساۋلىق ساقتاۋ ۆيتسە-مينيسترٸ لاۋازىمىن اتقاردى.
مۇنىڭ الدىندا كامالجان نادىروۆ ۆيتسە-مينيسترلٸك قىزمەتٸنەن كەتكەنٸن جازعان بولاتىنبىز.
ايتا كەتۋ كەرەك, كوروناۆيرۋس ينفەكتسيياسىنىڭ دەرٸگەرلەر اراسىندا جاپپاي ٶرشۋٸنە بايلانىستى الماتىدا داۋلى جاعداي تۋىندادى.
وسىعان بايلانىستى ورتالىق كلينيكالىق قالالىق اۋرۋحانانىڭ جۇمىسىنا بايلانىستى ەپيدەميولوگييالىق تەكسەرۋ باستالدى.
بۇل داۋلى جاعدايدان سوڭ قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداقاسىموۆا دا قىزمەتٸنەن كەتكەن بولاتىن.
