Foto: ©️ instagram/panfilovsky_okrug
Almaty oblysy Talǵar aýdanyndaǵy Panfilovo aýylynda jergilikti belsendiler aýyl ákimin qorǵap, jiyn uiymdastyrdy, - dep habarlaidy Tengrinews.kz saity.
Alańdaýǵa "qoǵam qairatkeriniń aryzynan keiin ákim jumystan shyǵarylmaq" degen jurt arasynda taraǵan aqparat sebep bolǵan.
"Dýlat Maratuly Daýtaliev kelgennen keiin aýylda jumys barysy qozǵala bastady: asfalt tóseý, jaryqtandyrý, balalar alańqailary, merekeler uiymdastyrylady... jáne t.b. Mysaly, órt sóndirý deposynyń ashylýy. Qaraýsyz janýarlarǵa arnalǵan qurylys. Daǵdarys ortalyǵyn ashý máselesi qarastyrylyp jatyr. Endi biylǵa jospar qurylyp jatqanda, biyl ne isteletini sheshilip jatqanda, mynadai jaǵdai... Ákim men onyń orynbasary bizben únemi bailanysta, birde-bir ótinishten bas tartqan joq, máseleni birge sheshýge tyrysamyz. Endi, bir adamnyń kesirinen bárin joqqa shyǵaramyz ba?", – dep jazdy aýyl turǵyndary.
Jiynǵa kelgen Talǵar aýdany ákiminiń orynbasary jinalǵandardy "ákimniń jumysyna jappai shaǵym joq ekenin jáne ol qazirgi ýaqytta ornynan alynǵaly jatpaǵanyn, joǵarydaǵy ákimderdiń buǵan quqyǵy joq" ekenin aityp, sendirdi.
