QR Ekologiia, geologiia jáne tabiǵi resýrstar ministrligi Ekologiialyq retteý jáne baqylaý komitetiniń tóraǵasy Zýlfýhar Joldasov Almatynyń ekologiialyq ahýaly týraly aitty, dep habarlaidy "Ult aqparat".
Zýlfýhar Joldasovtyń málimetinshe, karantin engizilgen kúnnen bastap ministrlik turǵyndarmen birge ekologiialyq monitoring júrgizdi.
«Synama 20 baqylaý stansasynan, qalanyń ártúrli aýdandarynan jáne JEO-2 sanitarlyq aimaǵynan alyndy. Taldaý kórsetkendei, ótken jyldyń naýryz-sáýirimen salystyrǵanda osy jyldyń dál osy kezeńinde qalanyń tómengi bóliginde kontsentratsiia joǵary (RM-2,5 jáne RM-10) boldy. Bul lastaný jylý elektr stansalaryna tán», – deidi Zýlfýhar Joldasov.
Sonymen qatar, ol Almaty eń las qalalardyń qatarynda ekenin atap ótti.
«Almaty birneshe jyl boiy eldegi eń las qalalardyń tiziminde tur. Oǵan jylý kózderinen shyǵatyn qaldyqtar jáne joldaǵy kólikterdiń keptelisi sebep boldy. 2019 jylǵy esep boiynsha atmosferaǵa 114 myń lastaityn zat bólingen, onyń 34 paiyzy jylý kózderinen, 52 paiyzy kólikten jáne 14 paiyzy jeke sektordan shyqqan. TETs-3 jáne TETs-2-ni gazǵa almastyrý kerek, sonda TETs-2 qalanyń úshten bir bóligine teń bolady», - dedi ol.
