Almaty dárihanalarynda meditsinalyq maska jetkilikti, tapshylyq bolmaidy. Bul týraly Almaty qalasy ákimdiginiń dári-dármekpen qamtamasyz etý jónindegi úilestirýshisi Zańǵar Sálimbaev onlain brifing barysynda aitty, dep habarlaidy "Ult aqparat".
«Maýsym aiynyń aiaǵynda Almatyda keibir dári-dármek pen meditsinalyq maskaǵa suranys óte joǵary boldy. Qajetti dárilerdi qalaǵa jetkizý máselesin sheshý úshin kelisimshart jasaldy. Qazir biraz dári qalaǵa jetkizilip, naryq turaqtandyryldy. Aldaǵy kele jatqan kúzgi-qysqy maýsymdyq aýrýdy eskere otyryp qala ákimdigi turaqtandyrý qoryn qurdy», - dedi ol.
Onyń aitýynsha,turaqtandyrý qory esebinen dárihanalarǵa jetkiziletin dári –dármek jarty jylda 40 mln qorapty quraidy.
«Búgingi tańda 26,8 mln qoraby Almaty qalasyna jetkizildi. Turaqtandyrý qorynyń 40 paiyzy qoimalarda bolýy kerek. 40 paiyz degenimiz 8 mln qorapty quraidy. Sonymen qatar, 19,5 mln jeke qorǵanys quraldary satyp alynady. Onyń ishinde bir ret nemese kóp paidalanatyn kostiýmder, qolǵap, úsh qabatty maska, respirator, bahil jáne bas kiimder bar. Naýryzda Almaty qalasyna kúndelikti meditsinalyq maskany jetkizip turý úshin maska shyǵaratyn «Dolce-Pharm» JShS-men kelisim jasalǵan. Sonymen qatar, maska qoryn kóbeitý úshin «SQ farmatsiia» kompaniiasymen másele pysyqtalyp jatyr. Sondyqtan, qalada meditsinalyq maska men buiymdar tapshylyǵy bolmaidy. Bári jetkilikti», - deidi Zańǵar Sálimbaev.
