Almatyda dárigerler salmaǵy 650 gramm, boiy 29 sm bolyp shala týǵan náresteni aman alyp qaldy, dep habarlaidy QazAqparat.
Almaty qalasyndaǵy Perinatologiia jáne balalar kardiohirýrgiia ortalyǵynyń qabyldaý bólmesine ústimizdegi jyldyń 11 aqpanynda ishtiń tómengi jaǵy men beliniń aýyrsynýyna shaǵymdanyp, júktilik merziminiń 25 aptasyndaǵy bir áiel kelip tústi.
Ortalyq dárigerleri tolǵaqty toqtatýǵa tyrysty, alaida ol áreketterinen eshteńe shyqpady. 17 aqpan kúni keshke patsientte tolǵaq qaita bastalyp dúniege salmaǵy 650 gramm, boiy 29 sm sábi keldi.
Jańa týǵan náreste jetilmegen aǵza músheleri men júieleri aiasynda tynys alý buzylystary esebinen óte aýyr kúide boldy.
Shala týǵan balanyń anasy Halida qyzy úshin qatty ýaiymdady. Onyń tiri qalý-qalmaýy eki talai edi. Baqytyna orai, álsiz qyzy dem alyp jylai bastady.
«Basymnan ótken qiyn kúnderdi, dushpanyma da tilemes edim», – deidi Halida Iakýpova.
Dárigerler sábige dereý sýrfaktant engizip, jasandy jeldetý apparatyna qosý úshin birden jan saqtaý bólimine ornalastyrdy. Onda shala týǵan balalarǵa barlyq jaǵdai jasalǵan. Álsiz náresteler munda tiisti salmaq qosqanǵa deiin bolady.
Ol 17-shi kúni apparattyń kómeginsiz tynys ala bastady. Hadidja óz betinshe eme almaǵandyqtan ony asqazan zontynyń kómegimen tamaqtandyrǵan.
Jańa týǵan náreste jansaqtaý bóliminde bir aidan astam ýaqyt jatty, sodan keiin náresteler patologiia bólimine aýystyrdy. Bastapqyda anasymen birge qarqyndy terapiia palatasyna turaqty túrde baqylaýda boldy.
«Qazirgi ýaqytta jańa týǵan náreste emshekti jaqsy emedi. Aitpaqshy, qazir onyń salmaǵy 1900 gramm boldy. Balanyń jai-kúii oń qarqynmen aýyrlyqtyń ortasha dárejesinde dep baǵalanýda jáne jaqyn arada, eger bári jaqsy bolsa, biz balany úine shyǵaramyz», – dedi dáriger Nailia Hairýllina.
Óz kezeginde, sábidiń anasy dáriger Saniiat Sultanovaǵa, Gúlmira Jeldibaevaǵa, meiirbikelerge, sanitarlarǵa, psihologiialyq qoldaý kórsetkenderi úshin alǵys bildiredi.
«Sol ýaqytta olar meni balaǵa qalai kútim jasaý kerektigin úiretti. Men úlken alǵysymdy bildirgim keledi, kásibi dárigerler men meiirbikeler arqasynda meniń qyzym qazir meniń qasymda. Keide jylap, jaqsy nátijege senbegen kezderim boldy, biraq olar meni tynyshtandyryp, barlyq jaǵdaida qoldaý kórsetti» – dedi Halida Iakýpova.
