Almaty ákimi Baqytjan Saǵyntaev biznes-qoǵamdastyqtyń megapolisti damytýǵa qatysýy boiynsha iskerlik keńestiń kezekti otyrysyn ótkizdi, dep habarlaidy "Ult aqparat".
«Almaty-2050» damý ctrategiiasynda belgilengen jeti basty baǵytty iske asyrý maqsatynda 9 salalyq komitet quryldy. Biznes-qoǵamdastyq ókilderinen ózge keńes quramyna qala ákiminiń orynbasarlary jáne salalyq basqarmalar basshylary engen bolatyn.
Biylǵy jyldyń qarasha aiynda ár komitet óz otyrystarynda «Almaty-2050» damý strategiiasyn, «aqyldy», qaýipsiz ári shetsiz qalany damytý perspektivalaryn, sonymen qatar shaǵyn jáne orta biznesti damytý máselelerin talqylaǵan bolatyn. Komitetter tóraǵalary atqarylǵan jumystar týraly baiandady jáne megapolisti damytýdyń túrli baǵyttaryn iske asyrý boiynsha óz usynystaryn aitty.
«Iskerlik keńestiń damý strategiiasyn talqylaý boiynsha júrgizip jatqan jumystary biz úshin paidaly ári mazmundy. Biznesmenderdiń óz tájiribeleri men bilimderin bólisýge, qala jáne onyń turǵyndary úshin bastamalar men baǵdarlamalardy birge júzege asyrýda resýrstardy paidalanýǵa daiyn ekendigi qýantady, - dedi qala ákimi Baqytjan Saǵyntaev.
Jiynda iskerlik keńestiń 2020 jylǵy jumys jospary talqylandy.
