Kórneki foto: gkob.ru
Almatyda ortalyq qalalyq klinikalyq aýrýhanada úsh patsienttiń AITV-infektsiiasyn juqtyrý deregi boiynsha epidemiologiialyq tergeý aiaqtaldy, dep habarlaidy "Ult aqparat" Almaty qalasy sanitariialyq-epidemiologiialyq baqylaý departamentine silteme jasap.
Epidemiologiialyq tergeý barysynda 745 adam tekserilgen. Olardyń arasynda 118 qan donory, 231 meditsina qyzmetkeri, aýrýhanaǵa júgingen nemese statsionarlyq em qabyldaǵan 396 patsient bar. Barlyǵynyń nátijesi teris shyqqan.
"Komissiia músheleri klinikalyq aýrýhanada úsh patsienttiń AITV juqtyrýy adami faktormen, atap aitqanda, orta medpersonaldyń jekelegen qyzmetkerleriniń invazivti manipýliatsiialar júrgizý kezinde operatsiialyq protsedýra standarttaryn buzýymen jáne olardyń qyzmetine baqylaý bolmaýymen bailanysty degen qorytyndyǵa keldi. Sanitarlyq-epidemiologiialyq qaýipsizdikti júieli buzý faktileri anyqtalǵan joq", - delingen habarlamada.
Qazirgi tańda AITV-infektsiia juqtyrǵan úsh patsient JITS ortalyqqa dispanserlik esepke qoiylǵan. Sondai-aq jeke emdeý shemasy boiynsha antiretrovirýstyq preparattarmen qamtamasyz etilgen. Olarǵa jergilikti biýdjet esebinen barlyq qajetti meditsinalyq jáne psihologiialyq kómek kórsetiledi.
Osy oqiǵaǵa bailanysty komissiia qorytyndylary negizinde, sondai-aq QR Eńbek kodeksiniń 48-baby 2-tarmaǵynyń altynshy tarmaqshasy negizinde qalalyq aýrýhananyń bas dárigeri N.B. Tabynbaev jumystan shettetilgen. Sondai-aq bas dárigerdiń epidemiologiia boiynsha orynbasary, reanimatsiia meńgerýshisi, statsionardyń bas medbikesi jáne reanimatsiia bólimshesiniń aǵa medbikesi teris sebeptermen jumystan shyǵarylǵan.
Komissiia jumysynyń qorytyndysy bar anyqtama materialdary is júrgizý sheshimin qabyldaý jáne árbir jaýapty tulǵanyń jaýapkershilik sharasyn odan ári aiqyndaý úshin qalalyq politsiia departamentine jiberilgen.
Departamenttiń aqparatynsha, búginde Almatynyń JITS-tyń aldyn alý jáne oǵan qarsy kúres ortalyǵynda dispanserlik esepte AITV diagnozymen 4 429 adam tur. 2022 jyly qalada AITV juqtyrǵan 499 turǵyn anyqtalǵan.
