Búginen bastap Almaty halyqaralyq áýejaiynda tekseris kúsheitiledi. Iaǵni áýejaiǵa kire beristegi terminalda qosymsha tekserý jelisi qoiyldy. Jolaýshylar adamdardyń kóptigine shaǵymdana bastady, dep habarlaidy QazAqparat.
Áýejaidyń baspasóz qyzmeti tekserýdi kúsheitý týraly sheshimdi Qazaqstannyń aviatsiia ákimshiligi jedel-profilaktikalyq sharalarǵa bailanysty qabyldaǵanyn túsindirdi.
«Biz dereý daiyndaldyq, túnde áýejaiǵa kire beristegi terminalǵa qosymsha tekserý jelisi qoiyldy. Endi ekinshisin birinshi qabatqa ornatyp jatyrmyz. Qosymsha tekserýge bailanysty jolaýshylardan áýejaiǵa erterek kelýdi suraǵan bolatynbyz», - dep jaýap berdi áýejaidyń baspasóz qyzmeti.
Aita keteiik, qosymsha qaýipsizdik jelileri 14 qazanǵa deiin ýaqytsha ornalastyryldy.
Áýejai ákimshiligi jolaýshylardan reisterine keshigip qalmas úshin erterek kelýlerin suraidy.
