Almaty áýejaiynda tóbeles shyǵyp, sońynda politsiia qyzmetkerleri eskertý oǵyn atty, - dep habarlaidy Tengrinews.kz.
Áleýmettik jelilerde Almaty áýejaiynda úsh er adam ustalǵany týraly aqparat tarady. Ol jerde oq atylǵany týraly da aitylǵan.
Almaty politsiiasynyń baspasóz qyzmeti málimetinshe, túngi saǵat bir shamasynda Almaty halyqaralyq áýejaiy aýmaǵyndaǵy týristik politsiiaǵa kólik turaǵynda tóbeles shyqqany týraly habar túsken. Onda úsh mas er adam tóbelesip jatqany belgili bolǵan.
"Olar politsiia qyzmetkerleriniń talabyna baǵynbaǵan. Tóbeleske qatysqandardyń biri - buryn sottalǵan 1994 jyly týǵan Ý. esimdi er adam shyny syra bótelkesin syndyryp, politsiia qyzmetkerine qarai júgirgen. Qylmystyń jolyn kesý úshin tártip saqshysy tabeldik qarýynan áýege oq atyp, eskertý jasady. Nátijesinde, tóbeleskender ustaldy. Olar - Almaty jáne Túrkistan oblystarynyń turǵyndary. Ekeýi buryn tonaý jáne bireýdiń múlkin urlaý boiynsha sottalǵan. Aiyptalýshylardyń áreketteri QR QK-niń 293-baby, 2-bóligi "Buzaqylyq" boiynsha saralanǵan. Olar ÝUI-ǵa qamaldy", - dedi politsiia ókilderi.
Osy fakt boiynsha sotaldy tergeý bastaldy. Sondai-aq, qyzmettik qarýdy qoldaný boiynsha tekserý júrgiziledi.
