Almaty áýejaiynda tekseris kúsheitiledi. Jolaýshylardyń endi reiske erterek kelgeni jón, dep habarlaidy "Ult aqparat".
1 qazannan bastap Almaty halyqaralyq áýejaiynda tekseris kúsheitiledi. Iaǵni, áýejaiǵa kire beristegi terminalda qosymsha tekserý jelisi qoiylady.
«Qazaqstannyń aviatsiialyq ákimshiliginiń ókimi boiynsha 1 qazannan bastap, jedel-aldyn alý is-sharalaryn júrgizýge bailanysty Almaty halyqaralyq áýejaiynda aviatsiialyq qaýipsizdikti kúsheitý sharalary engizilýde. Kire beriste terminalǵa qosymsha tekserý jelisi qoiylady», - delingen resmi habarlamada.
Jolaýshylarǵa reisterine keshigip qalmas úshin áýejaiǵa erterek kelý usynyldy.
