Almaty halyqaralyq áýejaiyna keletin barlyq reis jolaýshylarynyń densaýlyǵy suralyp, termometriiadan tekserýden ótedi. Bul týraly Almaty qalalyq qoǵamdyq densaýlyq basqarmasy basshysynyń orynbasary Laýra Myrzaǵali aitty, dep habarlaidy QazAqparat.
Spikerdiń sózinshe, epidemiologiialyq baqylaýdyń kúsheitilgen is-sharalary shetelden keletin ushaqtar men charterlik reisterde birdei júrgiziledi.
«Áýejailarǵa tek halyqaralyq qana emes, sonymen qatar ishki reisterdiń tranziti men kelgen jolaýshylardyń epidemiologiialyq qadaǵalaýy kúsheitildi. Feldsherler ushyp kelgen jolaýshylardyń dene qyzýyn ólsheidi», - dedi qoǵamdyq densaýlyq basqarmasynyń ókili.
Sonymen qatar, ol 2020 jyldyń 6 qazanynan 2021 jyldyń 28 qyrkúiegine deiin Almaty halyqaralyq áýejaiyna 682 768 jolaýshysy bar 4702 reis kelgenin aitty.
«Onyń ishinde 589 920 jolaýshy COVID-19 boiynsha teris nátijemen keldi, 67 291-de vaktsinatsiia tólqujaty bar, 25 557 sertifikaty joq, eseptik kezeńde 34 sheteldik azamat sertifikattardyń joqtyǵynan Qazaqstannan deportatsiialandy. 25 523 adam PTR analizin tapsyrý úshin karantindik aýrýhanaǵa jatqyzyldy. Kelgenderden 125 oń nátije alyndy, onyń ishinde 37 jolaýshy Túrkiiadan, 35 BAÁ-den, 33 Egipetten, 5 Belarýsten, 7 Ýkraina, 7 Maldivten, eki Ońtústik Koreiadan jáne bir jolaýshy Mali men Resei», - dedi spiker.
Halyqaralyq jolaýshylar reisine keletin adamdardyń bailanyssyz termometriiasy Almaty halyqaralyq áýejaiynyń aýmaǵynda júrgiziledi.
Áýejai qyzmetkerleri jeke qorǵanys quraldarymen qamtamasyz etilgen. Áýejai aýmaǵynda mindetti maska rejimi jáne áleýmettik qashyqtyqty saqtaý talaptary bar.
Almaty qoǵamdyq densaýlyq saqtaý basqarmasy basshysynyń orynbasary Laýra Myrzaǵali qala turǵyndary men qonaqtarynan megapolis aýmaǵyna kelmes buryn PTR-test tapsyrýdy surady.
