Almatyda áskeri ushaq qulaǵan jerde qutqarýshylar jumys istep jatyr, dep habarlaidy "Ult aqparat" QR Tótenshe jaǵdailar ministrliginiń baspasóz qyzmetine silteme jasap.
Búgin, 13 naýryz kúni saǵat 17:25-te Almaty qalasy áýejaiynyń dispetcherlik qyzmetine saǵat 17:22-de "Nur-Sultan – Almaty" baǵytyndaǵy AN-26 áskeri ushaǵy radardan joǵalyp, Almaty áýejaiynyń mańyna apatty jaǵdaida qonǵany týraly aqparat kelip jetti.
Oqiǵa ornynda Órt sóndirý 11-bóliminiń (1,2) qyzmetkerleri, Respýblikalyq jedel-qutqarý otriadynan 9 adam, 1 tehnika, 1 kinologiialyq qyzmetker, sonymen qatar Almatynyń qutqarý qyzmetinen 5 adam men1 tehnika jumys istep jatyr.
Sonymen qatar, oqiǵa ornynda Ushýdyń izdeý-apattyq qamtamasyz etý qyzmetiniń 4 tehnikasy men Almaty oblysy Órt sóndirý jáne qutqarý qyzmetiniń 2 tehnikasy bar. Ushaqta shyqqan órt aýyzdyqtaldy.
Sondai-aq ol jerde Almaty qalalyq qoǵamdyq densaýlyq saqtaý departamentiniń jedel-qutqarý jasaǵynyń 10 toby jumys istep jatyr.
