الماتىدا ەسكەري ۇشاق قۇلاعان جەردە قۇتقارۋشىلار جۇمىس ٸستەپ جاتىر, دەپ حابارلايدى "ۇلت اقپارات" قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بٷگٸن, 13 ناۋرىز كٷنٸ ساعات 17:25-تە الماتى قالاسى ەۋەجايىنىڭ ديسپەتچەرلٸك قىزمەتٸنە ساعات 17:22-دە "نۇر-سۇلتان – الماتى" باعىتىنداعى ان-26 ەسكەري ۇشاعى راداردان جوعالىپ, الماتى ەۋەجايىنىڭ ماڭىنا اپاتتى جاعدايدا قونعانى تۋرالى اقپارات كەلٸپ جەتتٸ.
وقيعا ورنىندا ٶرت سٶندٸرۋ 11-بٶلٸمٸنٸڭ (1,2) قىزمەتكەرلەرٸ, رەسپۋبليكالىق جەدەل-قۇتقارۋ وتريادىنان 9 ادام, 1 تەحنيكا, 1 كينولوگييالىق قىزمەتكەر, سونىمەن قاتار الماتىنىڭ قۇتقارۋ قىزمەتٸنەن 5 ادام مەن1 تەحنيكا جۇمىس ٸستەپ جاتىر.
سونىمەن قاتار, وقيعا ورنىندا ۇشۋدىڭ ٸزدەۋ-اپاتتىق قامتاماسىز ەتۋ قىزمەتٸنٸڭ 4 تەحنيكاسى مەن الماتى وبلىسى ٶرت سٶندٸرۋ جەنە قۇتقارۋ قىزمەتٸنٸڭ 2 تەحنيكاسى بار. ۇشاقتا شىققان ٶرت اۋىزدىقتالدى.
سونداي-اق ول جەردە الماتى قالالىق قوعامدىق دەنساۋلىق ساقتاۋ دەپارتامەنتٸنٸڭ جەدەل-قۇتقارۋ جاساعىنىڭ 10 توبى جۇمىس ٸستەپ جاتىر.
