Almaty áýejaiy birinshi sanattaǵy, iaǵni Qytai Halyq Respýblikasynan kelgen jolaýshylardyń barlyǵyn karantinge jatqyzatyn boldy, dep habarlaidy "Ult aqparat".
Bul týraly áýejaidyń áleýmetitk jelidegi resmi paraqshasynda jariialandy.
«Qurmetti jolaýshylar, búginnen bastap bas memlekettik sanitarlyq dárigerdiń qaýlysyna sáikes elde koronavirýsqa qarsy kúres sharalary kúsheitilip jatyr. Atap aitqanda, Almaty áýejaiy arqyly ótetin birinshi sanattaǵy jolaýshylar birden karantinge jabylatyn boldy. Qaýlyǵa sáikes, 20 aqpannan bastap koronavirýs juqpasy shyqqan elderden keletin jolaýshylar úsh sanatqa bólingen edi. Birinshi sanatqa jatqyzylǵan QHR-dan kelgen jolaýshylar endi 14 kúnge statsionarlyq karantinge jabylatyn boldy. Odan keiin 10 kúndei meditsina mamandarynyń baqylaýynda bolady. Ekinshi sanatqa jatatyn koronavirýs juqpasynyń 10 jaǵdaiy tirkelgen elden kelgen jolaýshylar úi jaǵdaiyndaǵy karantinde 14 kún jatýy tiis», - dep jazylǵan Almaty áýejaiynyń resmi paraqshasynda.
Aita keteiik, qaýipti virýsty juqtyrǵan adam sany 10-nan aspaityn elden kelgen jolaýshylar úide 24 kún baqylaýda bolýǵa mindetteledi.
