Áleýmettik jelide Almaty áýejaiynyń kassasy aldynda dúrlikken jurtshylyqtyń kóp ekendigi týraly aqparat pen videomaterial taraǵan bolatyn. Osyǵan orai QR Indýstriia jáne infraqurylymdy dami ministrligi resmi aqparat taratty, dep habarlaidy "Ult aqparat".
«Azamattardy áleýmettik jeliden alynǵan jalǵan málimetterge emes, resmi aqparattarǵa súienýge shaqyramyz. Áýejailar men bilet satatyn kassalalar shtattyq rejimde jumys istep tur, dúrbeleń baiqalmaidy. Almaty men Nur-Sultan qalalarynyń áýejailaryndaǵy qazirgi jaǵdai týraly ózekti video usynamyz. Elimizdiń áýejailary men kassalaryndaǵy jedel ahýal áýe ailaqtary basshylarynyń, áýe kompaniialary men quziretti memlekettik organdar ókilderiniń baqylaýynda», - dep atap ótken vedomstvo arnaiy túsirilgen videomaterialdy usynady.
Ministrlik málimetinshe, jolaýshylar qosymsha aqparatty myna telefon nómirlerine habarlasý arqyly áýejailardyń ókildikterinen ala alady: Nur-Sultan qalasy +77172777723, +77012140388, Almaty qalasy +77773701266.
